Garaad Ismaaciil Ducaale waxaa uu ku dhashay Migiya magaaladda Laascaanood halkaas oo uu ku bartay Qur'aanka Kariimka kuna Barbaaray,markii danbana dhalinyranimadiisii waxa uu ka mid noqday Shaqaalihii Wasaaradda Beeraha xiligii gobanimadda ka dib.
Wakhtigii Dawladii Kacaanka ma jirin Shaqooyin badan oo ay qabtan Isimadda, hase yeeshee waayihii Burburka waxa uu ka bilaabay Waan Waantii Nabadaynta Gobaladda Jubooyinka , Isaga oo ahaa Isinka Isimadda Beesha Daarood ugu sareeyey hawlihii xiligaas deegaanadaas laga weydey, ka dibna waxa uu ka qayb galay shirar badan oo caalami ah oo Nabadaynta Soomaliya looga hadlayo oo ay ka mid ahaayeen shirarkii ka dhacay magaalooyinka Nairobi, Adis ababa iyo Caasumadda Dalka Yemen ee Sanca .
Garad Ismaaciil Ducale waxa uu ahaa nin aad u Deeqsi ahaa waxaana uu ahaa nin haybad leh aftahna ah Geesina ah , Alle ha u naxariisto xalayto ayuu ku geeriyooday ka dib markii Dhu-yaal ahaa muddo afar sano ah, iyada oo Caafimaad loo geeyey Wadamo badan oo Geeska afrika bari ku yaala iyo kuwo Carab ah
Waxaa loo caleema saaray Garadnimadda sanadii 1962, waxaana uu ahaa Isinka kaliya ee ugu Mudda iyo cimriga dheeraa Soomaaliya , Garad Ismaaciil Ducaale wuxuu Guursaday Ilaa Afar xaas oo u dhalay Caruur badan oo ay iyaguna wax sii dhalay .
Saadirku ha geeyo janadiisa e Garaad Ismaciil Ducaale waxaa maanta lagu Aasasay Xabaalaha Magaaladda Laascaanood oo ku yaala k/bari magaaladda, waxaana Aaska Garadka ka soo qayb galay Wafuud badan oo ka kale timi Hargaysa, Burco, Garoowe, Gaalkacyo iyo meelo kale oo badan
Maamul Gobaleedka Puntland ee Soomaaliyeed ayaa waxaa ka yimi Wafti balaadhan oo uu Hugaaminayo Gudoomiyaha Gobalka Sool Cumar Jaamac Saleebaan, waxa ayna ka koobnaayeen Xildhibaano, Agaasimayaal iyo waliba Gudoomiyaha Banka Puntland
dhanka Maamulka Soomaaliland ee caganta ku haya Magaaladda Laascaanoodna ay socdeen labo Wafti oo ay kala Hugaaminayeen Gudoomiye ku xigeenka Labaad ee Maamulka Hargaysa Baashe Maxamed Cadde iyo Wasiirka Qorshaynta Siciid Sulub
١
No comments:
Post a Comment